السبت , 19 أغسطس 2017
sorali therapy liss و تجربتنا معه

sorali therapy liss و تجربتنا معه

كلنا سمعنا عن البروتين كطريقة لمعالجة الشعر و فرده لفترة طويلة  و قد ايه هو غالي .. و هو فعلا كده , بس خليني احكيلكم عن تجربتي مع sorali therapy liss و اللي هتوفر عليكم كتير .

كتبت : أمل .

انا كنت بعمل البروتين عند البيوتي سنتر بسعر ما بين 1500 ل 2500 حسب طول الشعر و عملت كده مرتين في سنتين متتاليتين لانه مش بيفضل على الشعر اكتر من سنه بعد المرة التانية اكتشفت ان معظم الاماكن دي بتغش المادة و بتحطلها حاجات تانية بتجهد الشعر و لاحظت ان شعري بدأ يتساقط .

بعد بحث كتير توصلت ل sorali therapy liss سعره 2000 جنيه مصري و بيجي في عبوة كبيرة تكفي لمرات عديدة مش مرة واحدة  و هتلاقيه في صيدلية كبيرة ، غير ان استعماله في البيت سهل جدا .

طريقة استخدام  sorali therapy liss 

sorali therapy liss

أولا : تغسلي الشعر كويس أوي بشامبو عادي .

ثانيا : نشفي شعرك بالسيشوار تماما متخليش ولا جزء منه مبلول.

ثالثا: تلبسي في ايدك جوانتي طبي و تحطي كمية مناسبة من البروتين في طبق او علبة تكوني مش محتاجاهم لانك مس هتستخدميهم تاني بعد كده ، و يبقى معاكي فرشاه زي بتاعت الصبغة .

رابعا: بتقسمي الشعر خصلات و تغطي كل خصلة بالمادة كويس جدا .

خامسا: بعد ما تتأكدي انك غطيتي كل اجزاء الشعر كويس سيبيه لفترة ما بين ساعه و ساعتين و تجنبي تعرض شعرك لأي مياه .

سادسا : بعد مرور الوقت المشار اليه سابقا بترجعي تقسمي شعرك خصلات بس رفيعه و بالمكواه “Babyliss” تبدأي تمشي على كل خصلة عدة مرات لحد ما تلاقي خصلة الشعر بقت ناعمة جدا و عشان تكون المهمة دي أسهل استعيني بمكواه درجة حرارتها عالية و تجنبي المكواه السيراميك .

سابعا: بعد ما تكوني خلصتي الشعر كله اتأكدي انك ركزتي على الجذور لانها بتبقى اصعب منطقة بتتفرد و ممكن ترجعي تعيدي على الشعر تاني بالمكواه و عشان متجهديش الشعر أكتر من كده سيبيه ليلة و تاني يوم اغسليه .

ثامنا : بالنسبة لغسيل الشعر اللي معمول بروتين تجنبي تماما استخدام الشامبوهات العادية لانها بتوقع المادة من على الشعر عندك اختيارين الاختيار الاول هو شامبو CHE و CHE enviro و دول موجودين في اي صيدلية بس اسعارهم غالية حبتين فالبديل ليهم هو شامبو جونسون للأطفال .

اقرئي أيضاً :  تشي كيراتين ميست Chi Keratin Mist و تجربتنا معه

اهتمي بترطيب شعرك بعد كده بصفة مستمرة يعني استخدمي بلسم و حمامات كريم .

و كانت هي دي تجربتي المميزة مع sorali therapy liss .. لو جربتم حاجة زيه و عايزين تشاركوها معانا ممكن تسيبوا تجربتكم في قسم التعليقات تحت الموضوع .

سيعجبك أيضاً

8 تعليقات

  1. حضرتك اشتريتيه من فين؟

  2. يا جماعه اللي عاوز المنتج ده موجود 01273746935

  3. فين التجربه مش قولتي هوة وحش ولا حلو عل شعرك مش حكيتي هوة عامل ايه مه شعرك وشعرك باه حلو ولا لا

  4. طب لو سمحتي انتي كاتبة ريت ما نستخدمش المكواه السيراميك طب يعني أشتتري مكواه عاملة ازاي؟

    و سؤال تاني: ايه هي الحمامات الكريم اللي ينفع أستعملها للترطيب على الشعر المعمول من غير ما تكون بتوقع المادة؟؟

    • فريق ملبس خان

      هو الدعوة بعدم استخدام المكواه السيراميك عشان الواد دي بتبوظها .. لو عندك مكواة قديمة مش خايفة عليها يبقى مفيش مشكلة .. بالنسبة لحمامات الكريم فمع البروتين مابتحتاجيش ترطبي الشعر إلا بالكونديشينر اللي بيبقى مكتوب عليه انه بيحافظ على الكيراتين والبروتين

  5. ليا تعليق بسيط بس.. يستحسن عدم إستخدام شامپو چونسون كمان لأنه برضه فيه سالفايت وأملاح، صحيح بنسبة بسيطة لكن على المدى البعيد برضه بتشيل الكيراتين أو الپروتين.. يستحسن الشامبو يكون خالي تماما منهم.. وياريت حضرتك تقولي Sorali-therapy-liss فعلا كويس بعد الإستخدام وقعد قد إيه.. شكراً مقدماً..

اضف رد

لن يتم نشر البريد الإلكتروني . الحقول المطلوبة مشار لها بـ *

*