الإثنين , 5 ديسمبر 2016

أمل علم الدين و ١٠ أسباب لماذا نعشق طلتها

غير إننا طبعا متضايقين علشان أخدت مننا جورج كلوني ده ما يمنعش إن  أمل علم الدين  أو أمل كلوني – زي ما بيقولوا عليها دلوقتي- تعتبر من الشخصيات “الغير فنية” اللي جذبت أنظار العالم بطلاتها المختلفة .

إحنا كفريق ملبس خان هنقولكم على أكتر 10 أسباب بنحب  أمل علم الدين  بسببها .

1- طبيعية و رقيقة .

أمل علم الدين

99% من طلات أمل علم الدين بتظهر فيهم بمكياج طبيعي جدا و تسريحة شعر بسيطة بتتمثل في انها فارقة من الجنب .. فقط .. كل اللي هتحتاجيه علشان تقلدي مكياجها هو آيلاينر – ماسكارا- روج – وبلشر … بس كدة .

2- ذكية في اخيار لبسها

أمل علم الدين

كلنا عارفين إن  أمل علم  محامية انترناشونال و ده معناه انها بتضطر تسافر كتير تحضر مؤتمرات أو تمثل منظمات عالمية لكن ده ما منعهاش إنها تظل محافظة على طلة فورمال شيك وفي نفس الوقت مريحة جدا أثناء السفر و تأدية شغلها  .. أمل في الصورة دي اكتفت بلبس جيبة قصة قلم رصاص سودة و بلوزة كاروهات ألوانها محايدة  وده من اهم اساسيات اللبس الفورمال (إنه ما يكونش متكلف أو ألوانه فاقعة ) و جزمة كعب ارتفاعه مناسب بحيث ما يتعبهاش أثناء السفر بس في نفس الوقت بيكمل اللوك الفورمال بتاعها  .

اقرأ أيضا : ملف أيقونات الموضة العربية – الحلقة الأولى – : نوال الزغبي

3-  بسيطة

اللي متابع أمل علم الدين أكيد هياخد باله من كمية الفسانين البسيطة جدا اللي بتلبسهم في حياتها اليومية .. بالرغم من أن الفساتين دي مالهاش أي علاقة بالموضة اللي دارجة الأيام دي و معظمنا لو شافها في محل هيفتكرها فساتين للبنات من سن 6 لـ 9 سنين (ده لو رضيوا اصلا البنات يلبسوها) إلا ده ما منعش أمل أنها تخلي اللوك ده هو اللمسة الخاصة بيها و اللي محبتش إنها تغيرها حتى بعد ما بقت تحت عدسات مصورين البابراتزي اللي ما بترحمش من أول يوم أعلنت فيه هي و جورج خطوبتهم .أمل علم الدين أمل علم الدين

4- شيك بطريقة كلاسيكية

من اللافت للنظر إن  أمل علم  ما بتجريش ورا الموضة .. بالعكس .. أمل يظهر عليها إنها بتعشق الطلات الكلاسيكية اللي كانت دارجة أيام الزمن الجميل .. دايما طلاتها بتدي ايحاء بالملكية .. خطوط نظيفة و بسيطة لهدومها .. ألوان رايقة .. اكسسوارات vintage .. و دايما دايما بعيدة كل البعد عن التكلف  .
أمل علم الدين أمل علم الدين

5- عملية

دايما لما بنفكر في لبس فورمال للشغل بيجي في بالنا المثلث الذهبي ( بليز – بنطلون كلاسيك اسود – جزمة كلاسيك بكعب) .. ولما نحب نقلب الفورمال لسيمي فورمال بنستبدل البليز بقميص .. لكن الباقي دايما بيعتبر من الثوابت  وما بنفكرش أبدا في أي حاجة عملية أو مريحة .. من الآخر.. اللبس الفورمال بالنسبة لنا بيخنق .

أمل هنا بتدي مثال واضح و صريح إنك ممكن تلبسي أي بنطلون سادة و جزمة فلات و بلوزة بسيطة جدا و في نفس الوقت طلتك تفضل مناسبة للشغل … وزي ما ذكرنا قبل كده إنها محامية انترناشونال يعني لازم لبسها يعكس مدى جديتها في الشغل علشان كده نلاحظ إنها محافظة على إن تكون ألوان هدومها محايدة واللبس من أبسط ما يكون بس في نفس الوقت محدش يقدر يقول ان لبسها مش رسمي .

أمل علم الدين

6- مش متكلفة

مع إنها محامية ليها مكانة كبيرة .. و متجوزة من أشهر عازب في تاريخ هوليوود إلا إن ده ما منعهاش إنها تلبس اللي على مزاجها من غير ما تفكر في رأي أي حد .. إحنا لو مكانها مكناش خرجنا من البيت أبدا قبل ما نكون لابسين اللي على الحبل علشان عارفين إن فيه 100 كاميرا مستنية تصورنا .

أمل علم الدين

7- أنثوية

زي كل اللبنانيات .. أمل بتحب كل فترة تتواصل مع الجانب الأنثوي الدلوع اللي في حياتها .. بالرغم من إن كتير ممكن يشوف إنها “رفيعة قوي” و “جسمها مافيهوش أنوثة” إلا إن الصورة دي و بكل بساطة بتوريكم إن تأثير الفستان الماكسي الفلو يقدر يخلي أي جسم يظهر أنثوي و مثير .

أمل علم الدين

8-مش غاوية جزم بكعب

بعكس كل البنات .. أمل نادرا لما بنلاقي صورة ليها و هي لابسة جزمة بكعب .. أمل بستايلها بتوصل رسالة قوية بتقول فيها إنها ما بيهمهاش أي حاجة قد راحتها  .. حتى في الصور اللي لابسة فيها كعب بنلاحظ دايما انه كعب ارتفاعه معقول بحيث ما يكونش متعب ليها .

أمل علم الدين

9 – جريئة

أول ما انتشرت أخبار خطوبتها على جورج كلوني السوشال ميديا شنت هجوم كبير عليها خصوصا فيها بتعلق بجسمها .. الكل كان شايف إنها جسمها مش رياضي و انها محتاجة تروح الجيم تشتغل على شكل رجليها علشان تديها الشكل “السيكسي” اللي بيتميز بيها عارضات الأزياء و نجوم هوليوود المشهورين .

ايه كان رد فعل أمل ؟

لبست فستان قصير جدا في أول طلة ليها بعد طلتها بفستان الفرح في تحدي صارخ لكل الناس اللي اتريقت عليها و كأنها بتقولهم قولوا اللي تقولوه .. أنا متصالحة تماما مع جسمي … شابوه يا أمل .

أمل علم الدين

10 – أخيرا و ليس آخرا .. بنحبها علشان اتجوزت جورج كلوني

زي ما المثل بيقول .. القريب أولى من الغريب .. و امل بنت لبنان العربية الشقيقة .. و احنا و لبنان و احد 😀

أمل علم الدين

و عشان كده بنحبك يا أمل علم الدين

سيعجبك أيضاً

3 تعليقات

  1. A round of applause for your blog article.Really thank you! Want more.

اضف رد

لن يتم نشر البريد الإلكتروني . الحقول المطلوبة مشار لها بـ *

*