الثلاثاء , 6 ديسمبر 2016
خمسة نصائح للرجال قبل التسوق

خمسة نصائح للرجال قبل التسوق

معروف عن الرجال كراهية التسوق بسبب عدم صبرهم على اللف والبحث والزحمة ، بالإضافة أنهم بيحسوا أن وقت التسوق ممكن يعملوا فيه حاجات أهم . ملبس خان هيوفر لك وقتك و عشان كده كتبنا مجموعة من الـ نصائح للرجال قبل التسوق

نصائح للرجال قبل التسوق

قبل النزول للتسوق خد وقتك في معرفة الألوان المناسبة لك: 

خلي في اعتبارك أن لون بشرتك ولون عينيك وشعرك بيأثروا في اختياراتك لدرجات الألوان.
لو انت من الناس اللي شعرهم أحمر يبقى تجنب اللون الأحمر في هدومك – على الاقل درجات معينة منه. لو لون بشرتك مائل للصفرة يبقى تجنب اللون الأصفر لأنه هيظهرك شاحب أكتر.
لبسك للون تيشيرت مشابه للون عينيك هيظهرهم أكتر و ده شيء لطيف ومطلوب .. وهكذا .

اعرف مقاسك:
رحلة التسوق للراجل مش ممتعة ليه، أو  ده رأي معظم الرجال .. وعلشان ما تضيعش وقت أطول في الرحلة دي يبقى لازم تعرف مقاسك في كل حاجة (مقاس جزمتك – بنطلونك – قميصك – الجاكت بتاعك .. إلخ ) بالاضافة إنك تعرف الموديلات المناسبة لشكل جسمك .. مش معنى إنك بتحب التيشيرتات المقلمة بالعرض انك تشتريها خصوصا لو جسمك مليان عند منطقة البطن لأنك كده هتظهر نفسك اتخن .. قيس على كده بقى كل حاجة .

حدد ميزانيتك قبل ما تنزل تشتري:

معظم الرجال – علشان ينجزوا- بيطلبوا من اللي شغالين في المحلات أنهم يساعدوهم يلاقوا القطعة اللي شكلها كذا ومقاسها كذا .. اللي متعرفوش أن الاشخاص دي كل همها أنها تبيع لك حاجات غالية علشان عمولتهم تبقى أعلى .. حدد ميزانيتك وخليك واضح معاهم علشان ما تضيعش وقتك وفلوسك ومجهودهم.

تسوق في أيام الأسبوع مش في الأجازات:

تجنب الزحمة والوقفة بالساعات مستني دورك في القياس أو الحساب وانزل اشتري هدومك في وسط الأسبوع .. هتلاقي المحلات فاضية والحاجات مترتبة ومتوفرة وتقدر بكل سهولة تدخل تشتري اللي نفسك فيه وتطلع في أقل وقت ممكن .

اعرف الماركات اللي بتحبها و ركز عليها :

لو مشغول دايما ومعندكش وقت تلف وتدور، شوف الماركة اللي بتريحك وبتلاقي فيها مقاساتك وذوقك واشتري منها .. مفيش أجمل من أنك تدخل المحل وبكل بساطة تطلب من اللي شغال فيه يجيبلك البنطلون الجينز اللي مقاسة كذا ولونه كذا من غير ما تضيع وقت في إنك تقيسه أو حتى تدور عليه.

كانت دي نصائح للرجال قبل التسوق و اللي لو سمعوها و اتبعوها كويس جداً هتبقى رحلة التسوق بتاعتهم  ممتعة و منتجة في نفس الوقت

سيعجبك أيضاً

تعليق واحد

  1. Helpful information. Lucky me I found your site by accident, and I am surprised why this accident did not took place in advance! I bookmarked it.

اضف رد

لن يتم نشر البريد الإلكتروني . الحقول المطلوبة مشار لها بـ *

*