الجمعة , 9 ديسمبر 2016
ملابس الأطفال و كيفية اختيارها حسب العمر

ملابس الأطفال و كيفية اختيارها حسب العمر

اول ما الست بتعرف انها حامل بتنزل تشتري  ملابس الأطفال  من كل الانواع و الاشكال .. كوتشي .. بدلة .. شورتات و تيشيرتات .. كل ما تلاقي حاجة صغيرة و كيوت بتشتريها منغير ما تاخد في اعتبارها امتى و فين الطفل هيلبس الكلام ده .

عندها حق طبعا .. ماهو مين مننا يقدر يقاوم ال cuteness overdose اللي بتجيلنا لما بندخل محل اطفال و بتخلينا نشتريه كله .

و عشان كده قررنا نلفت نظر كل ام لشوية معلومات تساعدها تعرف ايه الحاجات اللي تشتريها و ايه العمر المناسب لكل حاجة .

ملابس الأطفال  للطفل حديث الولادة :

ول كام شهر الطفل نادرا ما بيطلع بره البيت و دايما بيكون مابين انه نايم او بياكل و عشان كده وفري تمن الكوتشيات النايكي النونو الجميلة و البنطلوناتاللي تجنن و التشيرتات و ركزي على الفانلات الداخلية و البيجامات و البطاطين عشان ده اللي بجد هتحتاجيه .

7hob.com1366928983192

ملابس الأطفال  للطفل بداية من عمر الشهرين لـ 6 شهور :

المرحلة دي بيبدأ الطفل فيها يخرج للعالم و يتفاعل معاه لكنه لسه محتاج انه يكون بيلبس هدوم قماشتها رقيقة و حساسة علشان تحافظ على بشرته .

المرحلة دي لو عندك طفل ولد او بنت ركزي على الافرولات و الكارديجانز القطن بدل البلوفرات او التيشيرتات و البطلونات علشان تبقى سهلة اللبس و القلع و مريحة في النوم فيها.. و نصيحة ليكي ما تشتريش جزم في المرحلة دي و اكتفي بالشرابات لسببين .. الطفل في المرحلة دي بيفرك كتير و بالتالي ممكن يوقع الجزمة و تضيع .. و الاهم ان الطفل مش محتاج الجزمة لانه ما بيمشيش و معظم الوقت بيتشال يبقى وفري تمن الجزمة لقدام شويه .

Baby-Clothes

مرحلة الزحف :

الطفل في المرحلة دي بيبقى زي القطر .. ماصدق يعرف يتحرك و مفيش حاجة بتوقفه و بيزحف في اي مكان سواء كان في البيت او في الشارع مش بيهمه .. و علشان كده احرصي انك تلبسي ابنك بنطلون سهل التنظيف علشان هيتوسخ من كتر الزحف و كذلك علشان تحمي رجليه لو حب يزحف بره البيت .

frankie-s-baby-clothes-48063_w1000

بالنسبه للبنات فاحرصي دايما انك تلبسيها ليجنز او شرابات تحت فساتينها اللي نفسك تلبسيهالها .. تجنبي الجينز في المرحلة دي لانه قاسي عليهم خليكي في الحاجات الناعمة .. ما تنسيش بقى الجزمة في السن ده لانها هتحمي صوابعه و رجليه من الارض .

159118-425x282-Designer-baby-clothes

الطفل اللي بيمشي :

اول ما طفلك يبدأ يمشي استثمري فلوسك في التيشيرتات و البناطيل الجينز و الجزم لو طفلك ولد .. الطفل في المرحلة دي بيتحرك كتير جدا و بيكبر بسرعة و علشان تريحي نفسك اشتريله حاجات تستحمل الحركة دي و عملية التنظيف بعدها كمان .

اما البنات فممكن دلوقتي تستغني الليجنز و الشرابات و تبدئي مرحلة الفساتين و الجيبات و الصنادل .. اهم حاجة تتاكدي ان دايما الجزمة مقاسهم علشان يبقوا مرتاحين و هم بيتحركوا .

1297997954-1TP0UGF

و بكده أصبح بإمكانكم اختيار  ملابس الأطفال  المناسبة لطفلكم الجاي  .

سيعجبك أيضاً

2 تعليقان

اضف رد

لن يتم نشر البريد الإلكتروني . الحقول المطلوبة مشار لها بـ *

*