الجمعة , 9 ديسمبر 2016
كيف تختارين الصدرية – حمالة الصدر – المناسبة لك

كيف تختارين الصدرية – حمالة الصدر – المناسبة لك

بتشتري حمالات صدر كتير ومش عارفة تجيبي مقاس  حمالة الصدر الخاص بيكي المظبوط ؟ زعلانة لأن معندناش محلات زي برة تساعدك في اختيار حمالة صدر ملائمة ؟ ملبس خان هيساعدك بمعلومات وخطوات بسيطة لاختيار مقاس حمالة الصدر المناسبة

 طرق اختيار  حمالة الصدر  المناسبة لك 

أولا: إزاي تعرفي أن حمالة الصدر اللي عندك مقاسها مش مظبوط ؟

– لو مقاس أكبر من مقاسك سيؤدي لخروج الصدر من الأمام
– لو مقاس أصغر من مقاسك سيؤدي لخروج الصدر من الجانب
– ارتفاع خط حمالة الصدر الخلفي لأعلى
– سقوط حمالة الصدر من على الأكتاف
– وجود إحمرار تحت الصدر عند خلعه وعلى الكتفين
– سوء المظهر العام

أنواع حمالات الصدر:
1- نوع محشو بالقطن ورافع للصدر …يصلح للمناسبات
2- نوع قطني بدون حشو …. يصلح للاستخدام اليومي

اقرأي أيضا : تعرفي معنا على أنواع الملابس الداخلية المختلفة و وظيفة كل نوع

المقاس:
مقاس حمالة الصدر بيتكون من رقمين وحرف زي:
38A – 36 B – 32 C
الرقم هو مقاس محيط صدرك والحرف هو مقاس تكور الصدر المعروف بالـ Cup وده هتعرفيه في خطوتين كالتالي:
1- تأخدي مقاس محيط الصدر (رقم 1 في الصورة) بمتر القياس بتاع الترزي من جهة الإنش مش السنتيميتر هيظهر لك رقم فردي مثلا 31 هتزودي عليه 5 وهيبقى مقاسك 36، ولو ظهر لك رقم زوجي هتزودي عليه 4 يعني لو ظهر لك 34 هتضيفي 4 ويبقى مقاسك 38
2- الخطوة الثانية هي مقاس تكور الصدر الـ Cup عند أكبر نقطة بارزة عند الصدر زي ما موضح في رقم 2 بالصورة.

brameasuring

هتطرحي الرقم الناتج عن خطوة 2 من الرقم الناتج عن خطوة 1 والرقم الناتج هيتحول لحرف A – B – C وهكذا
لو مقاس التكور (خطوة 2) بحجم 39 ومقاس المحيط ( خطوة 1) 36 نقوم بعمل طرح 39-36 = 3 الناتج هنا 3 يبقى حجم الثدي هو C
وبكدة مقاسك هيكون 36C

اقرئي أيضاً : الصدر الكبير و الملابس المناسبة لاخفائه

الناتج لازم يتم تحويله لحرف حسب الدليل الآتي:
1=A

2=B

3=C

4=D

5=E

6=F

7=G

كدة هتعرفي مقاس حمالة الصدر المناسبة ليكي واللي بس مش هتكون مريحة لجسمك وتمنع عنك أي ألم أو صداع، ده كمان هيظبط لك شكل ملابسك الخارجي.

– إذا كان Cup حمالة الصدر متجعدا يعني إنتي محتاجة مقاس واحد أصغر في 34 – 36
– إذا برز الصدر من جانبي الحمالة أو فوقها فأنت بحاجة إلى مقاس cup أكبر A – B – C
– إذا كان رباط الحمالة ينسدل من على الكتف حتى بعد تعديل طوله يعني ذلك أن الصدر لا يملأ الـ cup
جربي مقاسا أصغر في الحروف A B C

– إذا كان خط الحمالة الخلفي يرتفع إلى أعلى ظهرك جربي كلبس التطويل والتقصير أكثر ثباتاً أو أرخي الرباطين.

صلاحية حمالة الصدر:

حمالة الصدر لها صلاحية بين 6 إلى 12 شهر وذلك لفقدان الحمالة لمطاطية دعاميتها الناتج عن تكرار استخدامها.

** يتغير مقاس حمالة الصدر بتغير وزنك أو عند الحمل وبعده…يراعى إعادة أخذ القياس بتغير ملامح جسمك.

** ده غير كمان ان حجم الصدر بيزيد شوية قبل ميعاد الدورة الشهرية عشان كده تجنبي انك تنزلي تشتري صدريات في الفترة دي علشان ماتجيبيش مقاس غلط .

نتمنى نكون أفدناكم و ساعدنكم في التعرف على خطوات اختيار   حمالة الصدر  المناسبة و المثالية ليكي .

سيعجبك أيضاً

12 تعليق

  1. فين الصور الى بتوضح كيفية القياس ؟

  2. شكرا على التفاعل 🙂

  3. الهي ربنا يستركو يا جماعه o\

  4. Some truly choice blog posts on this website , saved to my bookmarks.

  5. معلومات فى غاية الروعة

اضف رد

لن يتم نشر البريد الإلكتروني . الحقول المطلوبة مشار لها بـ *

*