الثلاثاء , 6 ديسمبر 2016
كل اللي محتاج تعرفه عن بدلتك

كل اللي محتاج تعرفه عن بدلتك

قبل ما تنزل و تشتري بدلتك الجديدة لازم تعرف مجموعة من المعلومات عشان تعرف تختار صح ، ملبس خان هيقدملك مجموعة نصايح بسيطة ممكن من خلالها تعرف كل اللي محتاج تعرفه عن بدلتك اللي ناوي تشتريها و كمان تعرف ازاي تحدد المقاس المناسب ليك و شكل و لون الاكسسوارات اللي تشتريها معاها سواء من كرافات او منديل جيب او حزام او جزمة .

كل اللي محتاج تعرفه عن بدلتك

1- عرض الكرافات لازم يكون مساوي لعرض ياقة البدلة .

1

اقرأ أيضاً  : تعرف معنا على موديلات الجاكت الرجالي و الوقت المناسب لارتداء كل نوع

2-لازم تعرف ان البدلة اللي ياقتها رفيعة اكتر عصرية من البدلة اللي ياقتها عريضة .

2

3-منديل الجيب بيضيف اناقة لشكلك .. ده المكان اللي ليك حرية الاختيار فيه انك تحط منديل نقشته و قماشتة مختلفة تماما عن الكرافات و تظهر جزء من شخصيتك .

3

4- لو هتشتري البدلة جاهزة و مش هاتفصلها يبقى اول حاجة لازم تتأكد منها ان الكتاف بتاعتها مقاسك بالظبط .

4

اقرأ أيضاً : إزاي تختار مقاس جاكت البدلة الصحيح

5-كبر او صغر مساحة الفراغ ما بين ياقة القميص و بداية ياقة البدلة بيكشف اذا كانت البدلة كبيرة و لا صغيرة عليك .

5-1024x569

6-اختار دايما انك تلبس بدلة رصاصي غامق بدل الاسود الا اذا كنت رايح عزا لو انت من الرجالة اللي بيحبوا بدلهم يكون لونها غامق .

7-حزامك لازم يكون رفيع و نفس لون الجزمة .

8-لون جزمتك لازم يكون متناسب مع لون بدلتك .. ممكن تستخدم الدليل ده لمساعدتك .

8

9- البدلة اللي ليها قصتين من ورا بتعتبر مودرن اكتر من اللي ليها قصة واحدة .

9

اقرأ أيضاً : تعرف على الطول المناسب لجاكت بدلتك

10- لو عايز طلة كاجوال اكتر لبدلتك يبقى اختار بدلة بزرار واحد فقط و ياقتها زي الشكل التالي :

10

11- لو عايز بدلتك تكون فورمال و هتستعملها في الشغل يبقى اختار البدلة اللي الجاكت بتاعها فيه زرارين و ياقتها زي الشكل التالي :

11

12- استخدم التطبيقة التالية في تعليق بنطلوناتك على نفس شماعة الجاكت و نضمنلك انها مش هتقع او تتكرمش .

12

13- عشان تتاكد من مقاس جاكت البدلة حط كفك في منطقة الصدر و تحت الزرار الوسطاني , لازم تحس ان عندك مسافة كافية لحرية حركة الكف لكن مش ضيقة قوي او واسعة قوي .

13

اقرأ أيضاً : تعرف على الموديلات المختلفة للبدل الرجالي

14- دايما دايما افتح زراير جاكت البدلة و انت بتقعد .

15- الزرار العلوي (في البدلة ام زرارين) او الزرار الوسطاني (في البدلة ام 3 زراير) لازم يكون فوق سرة البطن بالظبط او اعلى منها بحاجة بسيطة .

16- لو هتلبس فيست يبقى اتأكد دايما ان اخر زرار من الفيست مش مربوط .

16

17- الفيست بيفضل انه يتلبس على البدل ام زرار واحد علشان يبان من تحتها لو قفلت الجاكت .. الفيست بيضيف لمسة فورمال لبدلتك و بيحميك من البرد في الشتا كمان .

18-كم القميص لازم يكون 1 سم منه بس ظاهر من تحت كم البدلة .

18

19- لما تستلم بدلتك قص الغرز اللي قافلة الجيوب و الفتحات اللي في ظهر البدلة , و شيل كمان اللايبل اللي بيبقى متخيط في كم البدلة الشمال و كون حريص و انت بتعمل كده علشان ما تبوظش البدلة .

20- اتأكد ان شرابك طويل بحيث  لما تقعد رجلك ما تبانش اطلاقا ولازم لازم يكون لونه مقارب للون البدلة .

20

21- كرافاتتك يفضل تبقى اغمق من قميصك دايما .

22- جاكت بدلتك لازم يبقى طويل بحيث يغطي كل من سوستة بنطلونك و مؤخرتك .

22

23- كرافاتتك لازم يكون طولها لحد وسط بنطلونك اذا مش اقصر بحاجة بسيطة .

23

24- لو انت من الناس اللي بتعرق كتير يبقى البس حاجة قطن تحت قميصك .

24-213x300

25- واخيرا احرص انك تبعت البدلة تتنضف بعد كل لبسة .

و بكده تبقى عرفت كل اللي محتاج تعرفه عن بدلتك و طريقة اختيارها بشكل سليم و أسس علمية ، كل اللي عليك دلوقتي تطبق النصائح دي و إنت بتقوم بعملية التسوق و هتسهل عليك كتير.

سيعجبك أيضاً

5 تعليقات

  1. سعيد حسن جبريل البلالي

    كلام جميل ..
    متعوب عليه 🙂

اضف رد

لن يتم نشر البريد الإلكتروني . الحقول المطلوبة مشار لها بـ *

*