الثلاثاء , 6 ديسمبر 2016
قطع أساسية في خزانة أي رجل .. تعرف عليها الآن

قطع أساسية في خزانة أي رجل .. تعرف عليها الآن

تعرف معانا النهاردة على قطع أساسية في خزانة أي رجل لازم تكون موجودة في دولابك لو عايز تضمن إنك عندك اللي محتاج تلبسه في أي وقت و لأي مكان .

قطع أساسية في خزانة أي رجل

معظم الرجالة ما لهاش في الستايلنج ولا وجع الدماغ بتاع شرا الهدوم .. علشان كده جبنالهم من الآخر وهنقولهم على أهم  قطع أساسية في خزانة أي رجل  .

1- جزمة سودا كلاسيكية .

أهم قطعة من الـ قطع أساسية في خزانة أي رجل هي الجزمج السودا هاتها لونها اسود علشان تليق على معظم البنطلونات الكلاسيكية و البدل اللي عندك .. و يفضل كمان تكون برباط علشان تتأكد ان موديلها هيليق على كل حاجة .. تجنب الجزم اللي وشها مربع و دور على حاجة وشها بيضاوي و طوله معقول … و اشتري معاها كمان علبة ورنيش محترمة علشان تحافظ عليها لاطول فترة في افضل حال .

2-حزام اسود .

علشان يليق مع الجزمة السودا .. اوعى تغلط الغلطة الشنيعة انك تلبس حزام لون و جزمة لون ارجوك ..الحزام و الجزمة السود هينفعوك سواء على بدلة او على طقم سيمي فورمال .. و الحزام لوحدة ممكن يتلبس على اي بنطلون و هيعيش معاك العمر لو حافظت عليه .

3- بدلة كلاسيكية :

لازم يكون في دولابك على الاقل بدلة كلاسيكية واحدة .. الرصاصي الغامق لون ممتاز و هيليق على معظم مناسباتك سواء كانت فرح- خطوبة – او حتى مقابلة عمل او مناقشة مشروع … الازرق الملكي كمان لون مميز و موضة ..لو مش في مقدورك تجيب غير بدلة واحدة يبقى استثمر فلوسك في بدلة من ماركة كويسة ليها صف واحد من الزراير ( اختار مابين زرارين او تلاتة)  .. و قبل ما تشتريها اعرف مقاساتك كويس جدا علشان تضمن انها هتطلع تمام عليك .

اقرأ أيضاً : قطع أساسية يجب توفرها في دولاب كل أنثى

4- بليزر (جاكت سيمي فورمال ) :

مفيش حاجة هتطلعك اشيك لو انت خارج خروجة لطيفة مع صحابك او اهلك الا البليزر .. هو مش رسمي زي جاكت البدلة و مش سبور كمان في نفس الوقت .. البليزر ممكن يتلبس معاك من اول الخريف مرورا بالشتا و كمان اوائل الربيع ..ولو جبته قماشته خفيفة ممكن تلبسة في الصيف و ممكن تلبس تحتيه تيشيرت او قميص براحتك خالص ..لو جبته بلون كحلي هيمشي معاك تمام سواء على بنطلونك الجينز او على بنطلوناتك الكتان  ..تجنب بس الجواكت اللي ليها زراير ذهبي او فضي و تجنب الصوف لو عايز تلبس الجاكت نفسه معظم ايام السنة .

5- قميص ابيض .

لوحده .. تحت بدلة .. عليه فيست .. تحت بلوفر .. عالبحر .. في الكتب .. ممكن نقعد من النهاردة للسنة الجاية نتكلم عن الطرق اللي ممكن نلبس بيها قميصك الابيض… هاته ماركة كويسة لانك هتلبسه كتير و هتحتاجة يعيش معاك .. و تأكد انه 100% قطن علشان يبقى مريح و سهل العناية بيه .

6-نظارة شمس :

هاتها مناسبة لشكل وشك و من نوع نضيف علشان ماتئذيش عنيك ( اصرف حبة على النظارة بدل ما تصرف الفلوس دي على العلاج) .

7- بنطلون جينز :

 الوانه كتير وميزته انها مريح و بيستحمل و سهل العناية بيه .. جرب تجيب الوان غير الازرق و اكسر الشكل التقليدي بتاعك .

8- ساعة .

بالرغم من اننا كلنا دلوقتي بقينا بنعتمد على الموبايل علشان نعرف الوقت .. لكن الساعة بتعتبر من اهم اكسسوارات الرجالة اللي بتضيف لطلتهم شياكة .. هاتها الموديل اللي تحبه سواء كانت جلد او معدن و كمل بيها شكلك .

9 – شرابات غامقة :

تعتبر الشرابات الغامقة  قطع أساسية في خزانة أي رجل لأن مفيش حاجة اسوء من انك تلبس شراب ابيض او ملون الوان فاتحة على طقمك الكلاسيكي او على بنطلوناتك الغامقة ( ولا الفاتحة علشان نبقى صريحين معاك ).. الشراب الابيض بيتلبس فقط مع لبس الرياضة المفروض .. علشان كده بنرجوك تشتري شرابا غامقة .

10 – فانلات داخلية قطن :

دي خصوصا للناس اللي بتعرق .. مفيش اسوء من انك تدخل شغلك و تقلع جاكت البدلة و هوب نلاقي قميصك كله بقع عرق .. حتى لو مفيش ريحة للعرق ده شكلك بيبقى مش لطيف ابدا ده غير انك ممكن تمرض كمان لو قعدت في مكان فيه مكيف هواء و انت عرقان كده .

Untitled-1 (1)

وبكدة يبقى عرفناكم على أهم قطع أساسية في خزانة أي رجل ، دلوقتي كل اللي عليك تعمله تنزل تشتري الحاجات اللي ناقصاك و تكمل بيها دولابك .

سيعجبك أيضاً

4 تعليقات

  1. Really informative blog. Much obliged.

  2. Thank you ever so for you article post.Thanks Again. Want more.

  3. I truly appreciate this article post.Thanks Again. Fantastic.

اضف رد

لن يتم نشر البريد الإلكتروني . الحقول المطلوبة مشار لها بـ *

*