الثلاثاء , 6 ديسمبر 2016
ديكور المنزل ما بين المرغوب والمفروض

ديكور المنزل ما بين المرغوب والمفروض

عندما يتعلق الأمر بديكور المنازل تبدأ الحيرة ما بين الرغبة في تزيينه حسب ما نريد و ما بين تزيينه ليكون مناسباً لذوق المجتمع ، و نقاشنا اليوم سيكون حول المقولة الشهيرة ” كل اللي يعجبك وألبس اللي على مزاج الناس” ، ومن هنا أتى عنوان موضوعنا ” ديكور المنزل ما بين المرغوب والمفروض ” .

برواز لوجو - berwaz

كتبت رانيا فائق من برواز

حول مدى صحة تلك المقولة حاول أن تسأل نفسك مجموعة  أسئلة لتتوصل للإجابة 

  • فمثلاً ممكن تسأل نفسك، هو أنا لو عيشت فى بيت مش على مزاجي هبقى مبسوط؟
  • لما الناس تكون مبسوط من ديكور بيتك ده بالضرورة هيخليك مبسوط وراضي عن بيتك؟
  • لما اسمع كلام أهلي اللى هما يعرفوا أحسن مني، كده هكون مستريح فى بيتي اللى هو مملكتي الجديدة؟
  • طيب هل أنا أصلاً عارف أنا عايز اعمل إيه فى ديكور بيتي؟
  • هل عندي الخبرة الكافية اللي تسمح إني أقرر إيه أفضل من إيه؟

أيضاً : عندما يتعلق الأمر بديكور المنازل ، هل الغالي تمنه فيه؟

أسئله كتيرة لازم تسألها لنفسك عشان تقدر تحدد مين هيحدد شكل وطبيعة المكان اللىيحياتك وعمرك هيمروا بداخله.

كتير من الناس بتواجهم مشكلة تحكم الأهل، هتلاقي الكبار مصممين على الصالون الفرنساوي المدهب والجوبلان والتحف الكلاسيكية القيمة، بس وارد جداً أن صاحب البيت يكون بيكره الكلاسيكيات و بيستريح أكتر فى الأثاث المودرن وعناصره العملية والمريحة!

ديكور المنزل ما بين المرغوب والمفروض

ديكور المنزل ما بين المرغوب والمفروض

تخيل كده أنك بتحب الجينز والأحذية الرياضية ومضطر أنك تستبدلهم بالبدلة والكرافات!

أيضاً : تعرف على الطريقة المثالية لـ تطبيق جاكت البدلة

حاجة بايخة وتدعو للضيق صح؟

طيب فى ناس بيكون مشكلتها أنها بتكون محتارة ومش قادرة تحدد هي عايزة إيه بالظبط، مش قادرين يتوصلوا لأيه أفضل بالنسبة لهم، ولعدم الحيرة في اتخاذ القرار حاول دايماً كل ما تقابل عنصر ديكوري مريح بالنسبة لك ولعينك ولنفسيتك تحفظ فى عقلك الباطن أن ده هو ذوقك والأسلوب المثالي لديكور البيت الخاص بيك.

كل ما تزور بيت صديق أو قريب لك، خلي عينك تدور على المناسب ليك في الديكور، في الألوان والخامات والمنسوجات والطراز،  دور على اللى يليق مع نفسك وروحك وحياتك، ابحث عن العناصراللي تخدمك لتعيش حياتك بصورة أفضل وأسهل.

ديكور المنزل ما بين المرغوب والمفروض

أوعى تكون بتكره الآثاث الكلاسيكي بتفاصيله الدسمة وعشان ضغط الأهل والمحيطين توافق يكون بيتك بالطراز اللي أنت بتكرهه، أنت اللي هتعيش في المكان ده وأنت اللي نفسيتك هتتأثر أيجابياً أو سلبياً بالعناصر الموجودة في المكان ده، أنت صاحب القرار وأنت صاحب البيت وأنت صاحب حياتك.

أيضاً : ١٢ سؤال يجب أن يسألهم مصمم الديكور لتتأكدوا أنه ماهر

أمشي ورى قرار عقلك عشان متندمش لما تلاقي نفسك غريب فى بيت ميشبهكش… وبكدة يبقى ناقشنا مشكلة ديكور المنزل ما بين المرغوب والمفروض و عرفناك إن المهم تختار اللي ترغب فيه و ترفض أي شيء ” مفروض” عليك.

سيعجبك أيضاً

عندما يتعلق الأمر بديكور المنازل تبدأ الحيرة ما بين الرغبة في تزيينه حسب ما نريد و ما بين تزيينه ليكون مناسباً لذوق المجتمع ، و نقاشنا اليوم سيكون حول المقولة الشهيرة ” كل اللي يعجبك وألبس اللي على مزاج الناس” ، ومن هنا أتى عنوان موضوعنا ” ديكور المنزل ما بين المرغوب والمفروض ” . كتبت ...

عناصر المراجعه :

تقييم المستخدمين: كم أول المصوتين !
0

2 تعليقان

اضف رد

لن يتم نشر البريد الإلكتروني . الحقول المطلوبة مشار لها بـ *

*