الثلاثاء , 6 ديسمبر 2016

الملابس المناسبة للمصيف للرجال و النساء

الامتحانات بدأت تخلص و الجو كل يوم بيبقى حر اكتر من اللي قبله و ده بيخلي ناس كتير تهرب على المصايف علشان تستمتع بجو البحر و ميته .. و  علشان تقضي يوم ممتع و مريح على البحر هنقولك على  الملابس المناسبة للمصيف !

هنقسم الموضوع لقسمين أولهم هيكون الملابس المناسبة للمصيف للنساء و القسم اللاحق هيبقى الملابس المناسبة للمصيف للرجال و هنوضحلكم فيه إيه القطع اللي هتحتاجوا إنكم تاخدوها معاكم و السبب كمان عشان تحكموا بنفسكم قد إيه القطع دي حيوية و مهمة للحصول على مصيف سعيد و أنيق في نفس الوقت .

 الملابس المناسبة للمصيف للنساء 

  •  نبدأ بشعرك .. لو بتحبي تحافظي عليه و على صحته يبقى يفضل تلميه على شكل كحكة او ديل حصان .. غير أنك كده هتمنعي الرمل تتغلغل فيه كمان هتضمني انك لو نزلتي البحر و طلعتي شكلك هيبقى مرتب .. و الأهم كمان لو كنتي عاملة كيراتين أو بروتين لشعرك فتغطيته هتحميه من إنه يبوظ .
  •  لو محجبة يبقى اختاري حجاب قطن لونه فاتح علشان يعكس اشعة الشمس من على راسك .. و ياريت تلبسي طرحة واحدة مش اكتر و تربطيها ربطة سهلة و مريحة علشان ما تضايقيش مع رطوبة البحر و الحر .
  •  المحجبة كمان اختياراتها في اللبس كتير .. البسي فستان ملون واسع و عليه بلورو قطن او قميص كتان مفتوح لو الفستان كت
  • 89fbc34689c2bb28d3668f8a178fc71b كذلك ممكن تلبسي تيشيرت قطن واسع سادة و تدخليه جوا جيبة او بنطلون كتان .

e67d521068c40a497cbb29ceff611306

  •  لو بتلبسي مايوه يبقى اختاري مايوه مناسب لجسمك  .
  •  دايما البسي حاجة فوق المايوه علشان تحمي نفسك من اشعة الشمس و الاختيارات هنا متعددة :

    * ممكن تلبسي pareo : وهو عبارة عن قطعة قماش مربعة بتتربط على الوسط (بنسميها احنا كاش مايو )

    * ممكن كذلك تلبسي sarong : ودي جيبة بتشبه لحد كبير الكاش مايو بس متخيطه ما بتتربطش .

    * البسي تيشيرت كبير وواسع ده اسهل و ارخص اختيار.

    * البسي فستان .. قصير او طويل انتي و ذوقك .

اختاري القطع اللي فاتت دي من قماشات خفيفة علشان تنشف بسرعة لما تتبل و الوان فاتحة علشان تعكس اشعة الشمس .

  •  البسي طاقية كبيرة .. ده المكان الوحيد اللي تقدري تعملي فيه كده و يبقى شكلك شيك و في نفس الوقت هتحمي وشك من حروق الشمس
  • straw_beach_hat البسي شبشب او جزمة بلاستيك .. الاختيارين دول مريحين .. سهل الحركة فيهم .. ولو اتبلوا مش هيبوظوا و تزعلي عليهم .

1612

  • ما تنسيش نظارتك الشمس .. اختاريها من ماركة محترمة علشان تضمني انها هتحميكي مش هتسبب اذى انتي في غنى عنه لشبكية عينك .
  •  لو بتحبي الاكسسوارات يبقى الاكسسوارات البلاستيكية هي الحل .. مابتصديش من جو البحر و حتى لو ضاعت منك مش هتبقي خسرتي مبلغ كبير .. ده غير انها الونها مرحة و لطيفة و بتناسب طلة البحر .
  •  اوعي تنسي الصن بلوك .. اشعة الشمس مؤذية جدا خصوصا لو اتعرضت ليها بصورة مباشرة و لفترة طويلة .. غير انها بتسرع عوامل كبر سن البشرة دي كمان ممكن توصل للتسبب في سرطان الجلد و العياذ بالله .
  • 800-SS-0706-sunscreens خدي معاكي شنطة كبيرة تكفي كل حاجاتك .. يفضل تكون من مادة ووتر بروف او حتى خوص .. تجنبي الجلد او البلاستيك لانها هتبوظ اكيد اذا مش من المية بتاعت البحر يبقى من التعرض للشمس و الحر .

beachbag

  •  ماتنسيش ابدا تاخدي معاكي فوط قطن كبيرة (بشكير) و دي استخداماتها كتير .. هتقعدي عليها على الرمل .. او هتفرشيها على كرسي او شيزلونج سخن من الشمس .. ده غير طبعا انك هتنشفي بيها نفسك او اطفالك لما يطلعوا من البحر

 

jules-towels-_5الملابس المناسبة للمصيف  للرجال 

  •  البس شورت او بنطلون كتان و شمره .. تجنب الجينز تماما لانه لو اتبل بيتقل جدا .
  •  القمصان الكتان الفاتحة افضل الف مرة من التيشيرتات القطن الغامقة او اللي عليها طبعات .. القطن لو اتبل بياخد وقت على ما بينشف بعكس القميص الكتان اللي لو فتحت زرايره و علقته على الكرسي 5 دقايق هينشف .. و الطبعات اللي في التيشيرت هتبوظ من المية المالحة و الشمس .

c073334dfa4fa4037eed1d550a425b95

  •  اوعى اوعى اوعى تلبس كوتشي .. اذا ماعندكش شبشب او صندل قضيها سنيكرز او لوفرز .. انت رايح البحر مش الجيم .
  •  اختار مايوه مقاسك .. لا اصغر ولا اكبر .. المايوه لما بيتبل بيتقل و بالتالي لو واسع ممكن يحصل ما لا يحمد عقباه خصوصا انك عارف صحابك بيحبوا يهزروا ازاي .
  •  لو ساعتك مش مضادة للمية يبقى سيبها في البيت احسن ليك و ليها .
  •  ولو بتلبس اكسسوارات فضة يبقى كذلك اقلعها في مكان امن قبل ما تنزل البحر علشان ما تضيعش منك .
  •  ما تنساش الصن بلوك .. انت ممكن تكون قوي بس حروق الشمس اقوى .. صدقني .

و بكده نبقى عرفناكم  الملابس المناسبة للمصيف  ، دلوقتي كل اللي عليكم تعملوه تراجعوا الحاجات اللي حطيتوها في شنطة السفر و تشوفوا إيه اللي ناقص و تكملوه .

سيعجبك أيضاً

3 تعليقات

  1. evening dresses dillards

    I like this weblog very much, Its a very nice post to read and receive info .

  2. evening dresses deb

    Hiya, I’m really glad I’ve found this info.

اضف رد

لن يتم نشر البريد الإلكتروني . الحقول المطلوبة مشار لها بـ *

*