الإثنين , 5 ديسمبر 2016
الملابس المناسبة لفترة الامتحانات

الملابس المناسبة لفترة الامتحانات

بما أن الامتحانات بدأت وضغط الدروس والمذاكرة زاد ..  و بما أننا بنؤمن إنك حتى لو كنتي طالبة ومشغولة لازم تبقي في أحلى صورة طول الوقت ..  ومن المعروف أن نفسيتك بتتحسن ونفسك بتتفتح لما تكوني حاسة أن شكلك حلو ولبسك شيك قررنا نعملك لستة تعرفك الملابس المناسبة لفترة الامتحانات و اللي لازم تطلعيها من دولابك و تحطيها على جنب علشان تلبسيها في الأيام المهمة دي من غير ما تضيعي  وقت ولا تهملي في شكلك كمان .

مبدئيا حضري هدوم الأسبوع يوم الإجازة .. طلعي الحاجات اللي هتلبسيها أغسليها وإكويها .. الحاجات اللي هتحطيها في شنطتك رُصيها قدام عينك علشان ما تنسيش أي حاجة خصوصا الآلة الحاسبة وأدوات الهندسة اللي دايما بيتنسوا وسط السربعة .

حاولي تلبسي شيء متعودة عليه علشان تتجنبي ضيقة اللبس الجديد أو التوتر من أن شكلك حلو فيه ولا لأ وتنشغلي عن امتحاناتك.. وماتنسيش توكة للشعر “أستك أو مشبك أو كلبس” كلنا بنحتاجهم جوة لجنة الامتحان.

رتبي شنطتك بحيث تبقي عارفة مكان كل حاجة فين واستغلي الجيوب والسوست اللي فيها علشان تقدري توصلي للي إنتي عايزاه في أسرع وقت ومن غير ما تتوتري وأنتي بتدوري .

دلوقتي بقى هنتكلم عن القطع اللي لازم تكون عندك عشان هتتلبس كل يوم .

الملابس المناسبة لفترة الامتحانات

– قميص طويل قطن أو كتان : سواء بقى مقلم أو سادة .. نص كُم أو بكُم .. واسع أو ضيق .. القميص الطويل اختيار ممتاز ليكي إذا كنتي محجبة أو غير محجبة .. مش هيحتاج إنك تلبسي تحتيه كارينا في الحر الرهيب ده وطوله مناسب علشان تلبسيه على بنطلون وتتحركي براحتك تماما .

hurley-womens-wilson-wilson-yc-long-sleeve-shirt-profile-199x290

-تيشيرتات قطن : مريحة وسهلة التنظيف وبتمتص العرق وسعرها في متناول الجميع و فيه منها تصميمات شيك جدًا جدًا .. هاتي نقشات تليق على سنك واحتياجاتك .. ممكن تتلبس لوحدها أو تحت فيست جينز أو فوق قميص وممكن تلبسي عليها سكارف او عقد و حزام لو عايزة طلة شيك منغير تعقيدات .

Magic-cat-kiss-fish-beautiful-short-batwing-sleeve-t-shirt-women-cotton-t-shirt-printed-290x290

– كارديجان : من أهم قطع الملابس المناسبة لفترة الامتحانات ، إلبسيه على بلوزة كت أو نص كُم، إلبسيه على تيشيرتك المفضل .. على جيبة أو بنطلون .. هاتيه بلون يمشي على معظم هدومك علشان ما تفكريش كتير و انتي مستعجلة .

473038_9832_f-300x300

-الجزم الفلات : أيام الدروس والامتحانات انتي بتبقي أعصابك مش مستحملة وماشية تكلمي نفسك .. مش لازم بقى تكملي المنظر ده بانك تتكعبلي و لا تقعي و تتعوري و أنتي داخلة على حرب … الجزم الفلات هتخليكي تتحركي براحتك و تبقي مرتاحة و لبسها مش محتاج تركيز زي لبس الكعب حتى لو كنتي بتحبيه .. كمان تجنبي الصنادل علشان نتفادى أي مواقف مفاجئة زي أن الصندل يتقطع أو يعورك وتبقي عندك حاجة زيادة تقلقي عليها .

classic-flats-300x249

-شنطة كبيرة : ممكن تكون كروس أو على الظهر .. هاتيها حجمها كبير علشان تكفي الورق والكتب اللي هتحتاجيها وازازة المياه والسناكس، هاتيها سودا أو كحلي أو بيچ ؛ التلات ألوان دول هيليقوا على كل هدومك .

Cute-and-Affordable-Messenger-Bags-Fall-2011-300x226

-بالنسبة لبنطلونك فممكن تختاري ما بين البنطلون الچينز أو الجبردين اللي واحد او اتنين منهم تقدري تكيفيهم على أي بلوزة أو تي-شيرت.

mujeres-con-diferentes-jeans

و بكدة نبقى عرفناكي على الملابس المناسبة لفترة الامتحانات و وفرنا عليكي وقت و مجهود إنتي أولى بيهم في الفترة دي .

سيعجبك أيضاً

تعليق واحد

  1. evening dress tbdress

    Hi, Neat post. There’s a problem with your website in internet explorer, would check this…

اضف رد

لن يتم نشر البريد الإلكتروني . الحقول المطلوبة مشار لها بـ *

*