الثلاثاء , 6 ديسمبر 2016
الممنوع والمسموح في المايوهات الرجالي

الممنوع والمسموح في المايوهات الرجالي

الصيف شرّف رسمي و بدأ موسم المصايف ، و مش معنى إنك رايح مصيف السنة دي إنك تهمل أناقتك وتلبس أي حاجة عشان ده مصيف بقى و مش مهم أبقى شيك .. كمان المصيف لازم تهتم بلبسه و تختار لبس البحر و المايوه المناسب ليك ولجسمك عشان تبقى مرتاح وعالموضة حتى وإنت عالشط أو البيسين … النهاردة هنركز معاك علي موديل المايوهات الرجالي و نقولك على شويه نصايح تراعيهم وإنت بتختار المايوه بتاعك عشان تقضي مصيف سعيد و أنيق.

كتب محمود مرزوق @marzouk90

لو بتحضر شنطتك أو بتخطط لأجازة الصيف سواء مع أسرتك أو صحابك سيب وناوي تاخد معاك مايوه عشان تنزل بيه البحر، سيب كل اللي في إيدك واقرا الموضوع ده كويس جداً.

الممنوع والمسموح في  المايوهات الرجالي  

  • اهتم بالألوان

  • المايوهات الرجالي

الصيف يعني ألوان الصيف و الملابس المريحة والطبعات المبهجة و ملابس السباحة و المايوهات مش استثناء .. زي ما بتحرص إن لبسك يكون ألوانه فاتحة و لايقة على الصيف ، كمان مايوهك لازم يعكس نفس المود لو تقدر.

الأزرق الفاتح والغامق .. الأخضر والأحمر ، دي ألوان مناسبة جدًا للمصيف و جوه ، خصوصًا كمان لو منقوشة مثلا بطبعات أشجار أو علامات ليها علاقه بالبحر .. كمان السادة مش وحش وبننصح بيه لو مابتحتش الحاجات المبهرجة .

تجنب اللون الأبيض تمامًا فى المايوهات وده لعدة أسباب .. أولاً عشان بيبقى شبه الملابس الداخلية ، كمان ممكن يشف لما يتبل .

  • بلاش سبيدو

المايوهات الرجالي

المايوه السبيدو مرتبط أكتر برياضه السباحة ، الموديل ده مش مناسب قوي للشط والبحر.. يفضل المايوه بتاعك يكون مقاسه مناسب ومش ضيق أو واسع قوي عشان بيتنفش لما بتنزل المية .. وأكيد يكون طوله فوق الركبة عشان ما يضايقكش ويبقى تقيل عليك لما تنزل البحر .. لو مصمم يكون أطول يبقي هاته بينتهي تحت الركبة مباشرةً .

أيضاً : للرجال : فورمة الساحل في ٣ خطوات، كتالوج الجسم المثالي

  • اختار الموديل الصحيح

المايوهات-الرجالي

لو جسمك مليان يبقى تجنب الموديلات الضيقة و الألوان الفاتحة وكمان النقشات الصغيرة .. ولو مكسوف تلبس مايوه قطعة واحدة ففي شركات رياضية كتير بتوفرلك مايوه شورت وتيشيرت .. كمان تجنب المايوهات الطويلة قوي وخليك في القصيرة عشان تخلي جسمك شكله متناسق حتى لو كان مليان.

المايوهات الرجالي

لو جسمك رفيع يبقى اختار المايوه اللي فوق الركبة مباشرةً ويكون مش واسع ولا ضيق .. اختار الألوان الفاتحة والنقشات خصوصاً النقشات الصغيرة.

لو طويل يبقى خلي مايوهك طويل كمان .. فوق الركبة مباشرةً ولحد تحتها .. لا أقصر ولا أطول .. المايوه الطويل هيخلي جسمك شكله متناسق أكتر .

أما لو كنت قصير فبننصحك بالمايوهات القصيرة عشان تبين رجلك أطولك وبالتالي تبان أطول.

أيضاً : أنواع أجسام الرجال وما يناسبها من ملابس

نصائح عامة

  • سيب الساعه وأى خواتم أو اكسسورات في البيت

اعمل زي ما منير قال بالظبط .. ” حط الدبلة و حط الساعة حط سجايره والولاعة ” قبل ما تنزل البيسين أو البحر ، ويفضل إنك متاخدش الحاجات دي للشط أصلاً عشان ممكن تبوظ لو وقعت في الرمل أو لو اتعرضت للشمس لفترة طويلة .. ممكن تلبس الساعات الرياضية الخاصة بالسباحة، بتكون أشيك ومناسبة أكتر .. اختار لون مناسب ينفع مع المايوه.

معظمنا بيهمل النقطة دي مع إنها مهمة جدًا ، حروق الشمس مضرة جدًا للجلد ، عشان كده يفضل إنك تستخدم (sunscreen  ) مناسب قبل نزول المياه
وكل ما تطلع منها تحط منه طبقة عشان المية عدوة واقي الشمس وبتشيله بسهولة.

أيضاً : حماية الجلد من أشعة الشمس .. ضرورة لا غنى عنها في الصيف

وبكده نبقى عرفناك إيه الممنوع والمسموح في المايوهات الرجالي .. كل اللي عليك تعمله إنك تنزل تقيس الموديلات المختلفة وتختار اللي يناسبك ويناسب جسمك عشان تضمن إنك هتبقى شيك وعالموضة حتى وإنت في المصيف.

سيعجبك أيضاً

اضف رد

لن يتم نشر البريد الإلكتروني . الحقول المطلوبة مشار لها بـ *

*