الثلاثاء , 6 ديسمبر 2016
الطول المناسب لجاكت البدلة أو البليزر

الطول المناسب لجاكت البدلة أو البليزر

نازل تشتري بدلة أو بليزر لأول مرة ؟ تعرف إيه هو الطول المناسب لجاكت البدلة ؟ حتى لو كنت بتلبس بدل بشكل مستمر بسبب طبيعة شغلك أو لو بتحب يكون ستايلك كلاسيكي لازم تعرف الطريقة الصحيحة لاختيار الطول المناسب لجاكت بدلتك !

طول جاكت البدلة بتاعك عامل أساسي في إظهار مدى أناقة بدلتك و شكلك فيها و أي خلل ممكن يخليك تظهر كأن بدلتك كبيرة أو صغيرة عليك حتى لو كان ده مش الوضع الحقيقي.

البنطلون سهل يتم التعديل عليه عشان يبقى طوله و مقاسه مضبوطين ، و القميص بيستخبى تحت جاكت البدلة و بالتالي لازم تتأكد من المقاس و الطول المناسب لجاكت البدلة قبل ما تشتريها لأنك و بكل بساطة مش هتقدر تعمل تغييرات كبيرة فيها لو ما اشتريتهاش بمقاس و أبعاد صحيحة من الأول .

و عشان معظمنا ما يعرفش إيه هو الطول المناسب لجاكت البدلة عملنا الموضوع ده عشان نشرحلك و بكل بساطة و منغير فذلكة إزاي و بنظرة واحدة تقدر تحدد ما إذا كان الجاكت ده طوله كويس ولا هتحتاج تخليه أطول أو أقصر .

كيفية تحديد الطول المناسب لجاكت البدلة 

المرة الجاية اللي هتنزل تشتري فيها بدلة أو بليزر اتأكد إنك لابس البنطلون بتاع البدلة دي أو البنطلون اللي ناوي تلبسه مع البليزر علشان تظبط طول الجاكت عليه و تضمن إنه هيبقى الطول الصحيح و بعد كده اتبع الخطوات التالية :

 اقرأ أيضاً : تعرف على آداب قفل أزرار جاكت البدلة

 حاجتين أساسيتين تقدر تحدد بيهم إذا جاكت بدلتك فعلا طولها صحيح ولا لا هي السوستة بتاعت البنطلون و المؤخرة … الجاكت اللي قياسه صحيح لازم يكون مغطي المنطقتين و يتوقف بعدهم بالظبط .. لا قبل عشان كده هيبقى قصير و لا بعد عشان كده هيبقى طويل بزيادة .

ff

بس كده ، بالطريقة البسيطة دي هتقدر تحدد الطول المناسب لجاكت البدلة بتاعتك عن طريق النظر ، و دي تعتبر أول خطوة من خطوات اختيار جاكت   البدلة المناسب ليك ، دلوقتي كل اللي عليك تعمله تتعرف على معايير مقاس جاكت البدلة الصحيح و اللي هتلاقيها موجود هنــــــــا .. و بكده تضمن إنك لابس جاكت البدلة المثالي عليك .

سيعجبك أيضاً

2 تعليقان

  1. I appreciate, cause I found just what I was looking for. You’ve ended my 4 day long hunt! God Bless you man. Have a nice day. Bye

  2. wow, awesome blog post.Thanks Again. Cool.

اضف رد

لن يتم نشر البريد الإلكتروني . الحقول المطلوبة مشار لها بـ *

*