الجمعة , 9 ديسمبر 2016
كل ما تريد معرفته عن عمل التاتو Permanent Tattoo

كل ما تريد معرفته عن عمل التاتو Permanent Tattoo

 عمل التاتو بقى رغبة جماعية عند عدد كبير من الشباب اليومين دول سواء للزينة أو لإخفاء بعض العيوب زي الحواجب الخفيفة و الشفايف الرفيعة و عشان كده حضرنالهم الموضوع ده 

بقلم: بيكو

عايز اعمل تاتوو! الكلمة دي بنسمعها كتير جدا من ناس حوالينا، خصوصاً إن الموضوع بقى موضة دلوقتي أكتر ما هو ستايل.  بدأت أدور على شكل تاتوو له معني ويخص حياتي علشان ما أندمش عليه بعدين.

كل ما تريد معرفته عن التاتوو Permanent Tattoo  هنقولك عليه في الخطوات التالية:

الخطوة الأولى في عمل التاتو   

اختار الشكل اللي بيرمز لشيء يخص حياتك لأنه هيكون معاك على طول سواء في مكان ظاهر للغير أو لك فقط.

ممكن تختار التاتو بأسماء اسم والدتك، والدك، ابنك، بنتك، أقارب درجة أولى عشان ماتندمش. أو تختاره كلمة عمرك ما هاتغيرها، أو مقولة أثرت في حياتك، أو شكل بيمثل لك شيء مهم زي برجك أو تصميم يكون عاجبك بجد ومش هتزهق منه مع الوقت. وده انا عملته في الأربع تاتووهات بتوعي.

 أنواع وأشكال التاتوو:

أنواع التاتوو كتير جداً وبتختلف أسمائهم على حسب موقعهم في الجسم. مثلا:

Band Tattoos: بيكون حوالين الذراع، الرِجل أو الرسغ .

Band Tattoo

Sleeve Tattoos: بيكون هاى الذراع كله، و النص اسمه Half Sleeve وده بيغطي الكتف والدراع

sleeve_tattoos

Cover Up Tattoos: و ده بيبقي عبارة عن حاجتين، أولا عندك حرق في جسمك وعايز تعمل عليه تاتوو أو تاتوو قديم وعايز تجدد فيه أو تكبره أو تخبي اسم صاحبتك القديمة عشان تتجوز J

Designs To Cover Up Tattoos 1

Celtic tattoos: وده بيبقى عبارة عن رسوم اسكتلندية قديمة وكلها معاني وبعضها تاريخي.

celtic-tattoo-image

Cross tattoos: و ده بيبقى للصليب ومش بيبقى صليب فقط، لأ فن جميل وبداخله الصليب.

cross-tattoos-with-flames

Tribal tattoos: و ده رسم له معاني كتير ثقافية وخاص بالناس و بيترسم في أي مكان في الجسم.

tribaltattooflash

Polynesian tattoos: وده بيبقى رسم للقبائل الأسيوية القديمة وله معاني كثيرة جدا و بيتعمل من الكتف للإيد وعلى الصدر أيضا (زي تاتوو The Rock)

و أنواع كتير جداً

tribal arm tattoo polynesian

التصميمات :

أنت بتختار من كتب أو رسومات موجودة عند الاستديو أو ممكن تصممهم عند حد موهوب زي دعاء عبد الهادي و بوسي مصلحي.

دعاء: https://www.facebook.com/DoaaDesign

http://instagram.com/dabdelhady

بوسي: https://www.facebook.com/pamsink09

http://instagram.com/poussymouselhy

الأسعار بتختلف جداً في  عمل التاتو  من مكان للتاني و بتتقاس على حسب الوقت والحجم. معظم الاستديوهات دلوقتي فيها حد أدنى (مينيمم تشارچ) ٥٠٠ جنيه ودي تكلفة التعقيم واستخدام إبرة جديدة والاستعداد.

لو هاتكتب اسم أو رسمة صغيرة بيتكلف في حدود ٥٠٠ – ٦٠٠ جنيه و لو رسمة أو كلمة أكبر يبقى من ٧٥٠ لـ ٩٠٠ جنيه لو أكبر شوية يبقى في حدود ١٥٠٠ – ٢٠٠٠ و لو نص دراع دلوقتي ممكن توصل لـ ٥٠٠٠ جنيه وعلى حسب حجم دراعك أو حجم التاتوو والوقت اللي هاتخده في عمل التاتوو.

عملت أول تاتوو و ده عباره عن arm band بيبقى لافف حولين الدراع وحجمه مش كبير و ده من حوالي ٦ سنين و كان بـ ١١٠٠ جنية وخد وقت ٤ ساعات تنفيذ. سعره كان غالي بس كان أول مرة وكنت عايز مكان مضمون وخصوصا صحيا.

تاني تاتوو كان كان half sleeve وده عبارة عن نص دراع بالكتف وحجمه كبير جداً و عملته من حوالي سنتين أو ٣ سنين و كلفني ٢٠٠٠ جنية و خد ١٤ ساعة تنفيذ، عملته على مرحلتين ٧ ساعات كل مرة وساعتين للإعادة.

2

تالت تاتوو كان اسم والدتي على دراعي من قدام واسمه forearm و سعره كان ٣٥٠ جنيه وخد ساعتين تنفيذ.

3

رابع تاتوو كان تحت كوعي وده سعره كان ٣٥٠ جنيه وخد ساعتين تنفيذ.

4

المواقف المحرجة هاتقابلك كتير لو بتمشي في الشارع كتير، هتلاقي الناس بتوقفك و تقولك هو ده حقيقي؟ انت مصارع؟ ده حنا؟ تمر حنا؟ ممكن المسه؟ طب بكام ده؟ عامله في مصر ولا بره؟ تاتوو ولا وشم؟ بيطلع ازاي؟ مازهقتش منه؟ بس لو أنت حابه مش مهم

.لو هاتعمل تاتوو يبقى بلاش الرقبة وكف الأيدين، بمعني أنك لو لبست قميص بكم أو بدلة مايبقاش باين منه حاجة، ده لأن في شركات كتير بترفض تعيين اللي عندهم تاتووز.

أماكن عمل التاتوو في مصر :

تايمور الرحاب: https://www.facebook.com/TrueSkinArtStudio

نوويرلاند الزمالك: https://www.facebook.com/NowherelandTattooStudio

لورينا المعادي زمالك: https://www.facebook.com/flordelamora

اينكشوب الزمالك: https://www.facebook.com/pages/The-Ink-Shop-Cairo/634384283281113

اسامة أيوب شبرا: https://www.facebook.com/OSOStattoo

بالنسبة للنظافة أنا مجرب منهم أول تلاتة والباقي أصحابي جربوهم وكلهم نفس المستوى تقريبا، الأولوية بالترتيب.

 و بكدة نبقى قولنالكم  على كل المعلومات اللي هتحتاجوا تعرفوها عن  عمل التاتو .

سيعجبك أيضاً

8 تعليقات

  1. I have to express my gratitude for your generosity giving support to individuals who require help with this study. Your personal commitment to passing the solution throughout was especially productive and have usually enabled others much like me to reach their objectives. Your new helpful instruction means so much to me and substantially more to my peers. Thank you; from everyone of us.

  2. هو مع الوقت بيختفى ولا بيفضل موجود
    و لو عايز تشيله بيتشال

    • فريق ملبس خان

      التاتو الدائم بيتشال فقط بالليزر و هو موجود بشكل دائم .. اللي بيختفي بعد فترة هو التاتو المؤقت أو الحنة.

  3. مفيش أماكن في اسكندريه مضمنه ممكن نعمل عندها

  4. الصفحة الخاصة باسم doaa design ليس لها علاقه بالموضوع المكتوب هي صفحة خاصة للدعايا والاعلان
    وعلي كاتب الموضوع التأكد من وضع لينك الصفحات وعليه مسح اللينك من هنا

    • فريق ملبس خان

      صفحة دعاء ديزاينز هي صفحة بتقدم خدمات تصاميم وممكن تتعمل في دعاية وممكن تاخدي تصميم منها وتعمليه كتاتو 🙂

  5. عايز ارقام استديوهات نضيفه ومضمونه عشان احجز

اضف رد

لن يتم نشر البريد الإلكتروني . الحقول المطلوبة مشار لها بـ *

*