الإثنين , 5 ديسمبر 2016

الأحذية الرجالية و أنواعها .. تعرف عليها الآن

مش كل الرجالة مهتمة بالموضة قوي .. و قليل منهم اللي يعرف  الأحذية الرجالية و أنواعها المختلفة  ، كمان ما يعرفوش إيه يتلبس متى و على ايه .
ملبس خان النهاردة حب يسهل عليكم الموضوع ده وبما اننا داخلين على موسم تخفيضات فاللي ناقصة نوع من انواع الجزم دي مش هيكلفه كتير انه ينزل يجيبه
مبدئيا هنعرض عليكم  الأحذية الرجالية و أنواعها  المختلفة لازم يكون في دولابك جزمة من كل موديل علشان تضمن انك مهما كانت المناسبة فأنت جاهز .

الأحذية الرجالية و أنواعها

أول نوع لازم يكون في دولابك هو “جزمة الخروجات اليومية” : دي مصممة للخروجات مع العيلة او الصحاب .. رايح عيد ميلاد او نازل كافيه .

جزمة الخروجات اليومية شكلها جامع مابين الكلاسيك و الكاجوال .. تمشي مع بنطلونك الجينز لو حبيت تلبسه مع قميص كلاسيك او بلوفر شيك او حتى تيشيرت
لو انت من الناس اللي عايز تبقى شيك ومرتاح دايما و شايف انك كبرت على الكوتشي بس لسه شباب على الجزم الكلاسيك يبقى الجزمة دي هي صديقك الوفي .

تاني نوع من انواع الجزم هي الجزم الرياضية : مش شرط تكون رياضي عشان يبقى عندك كوتشي .. الجزمة الرياضية ممتازة لو وراك مشاوير.
سواء كنت رايح مصلحة حكومية او نازل السوبر ماركت تشتري طلبات الجزمة الرياضية هي الحل .. مريحة و هتساعدك على الحركة بسرعة ومش هتحس بيها .

تالت نوع هي الجزمة الكاجوال : و احسن مثال ليها هي الجزم الكونفرس .. مريحة و بتليق على كل حاجة و بتديك مظهر شبابي على اي طقم تتلبس عليه .

رابع نوع هو الجزمة الكلاسيك : كل راجل لازم يكون عنده جزمة سودا كلاسيك في دولابه .. استثمر فلوسك في جزمة نوعها نظيف علشان تعيش معاك .
الجزمة الكلاسيك المفروض انها ما بتتلبسش الا في المناسبات الرسمية او في اماكن العمل اللي بتتطلب انك تكون لابس لبس فورمال .
ارجوك .. عايز تدي هدومك الكاجوال لمسة شياكة كلاسيكية يبقى البسها مع جزمة الخروجات اليومية .
الجزم الكلاسيكية بيبقى شكلها شاذ على الجينز لانها مصممة انها تتلبس على البدل و والبنطلونات القماش .

خامس نوع و اللي الكل بينفضله و ما بيهتمش بيه هو الخف المنزلي : هو حاجة كده ما بين اللكلوك والبلغة بتاعت الريفيين … مصممة انها تدفيك فالشتا
كلنا بنهتم برجلينا واحنا خارجين و بنلبس الجزم المريحة عشان ما تتعبش لكن في البيت بننفض .
الخف المنزلي هيدفيك في البيت .. سعرة رخيص و تنظيفة سهل و مريح جدا

اخر نوع هو البوت : كام راجل هنا عنده بوت او حتى فكر يشتري بوت قبل كده ؟
مع اول شوية مطر فالشتا شوارعنا بتغرق وجزمنا وهدومنا بتبوظ , هنا بيجي دور البوت الجلد , ممكن ماتلبسوش في السنة غير اسبوع ولا اتنين بس هتحتاجه
اشتريه شكله محايد عشان تعرف تلبسة على لبسك الكاجوال و الكلاسيك .. اشتريه جلد علشان ما يبوظش من الميه و عشان تنضفه بسهوله .
لو شايف انه كتير يبقى عندك كل الانواع دي يبقى شوف انت ايه الستايل بتاعك و ايه اللي ينفعك منهم و اشتريه .. بس اوعى تخلط بين الانواع

الأحذية الرجالية و أنواعها

و بكده يبقى تعرفت على  الأحذية الرجالية و أنواعها  المختلفة و كمان عرفت إمتى بنلبس كل نوع .

سيعجبك أيضاً

تعليق واحد

اضف رد

لن يتم نشر البريد الإلكتروني . الحقول المطلوبة مشار لها بـ *

*