الجمعة , 9 ديسمبر 2016

اظهري أطول باختيارات ذكية من الملابس و الاكسسوارات

لا يمكن أن ننكر أن البنت القصيرة رقيقة .. لكن احيانا البنت القصيرة بتحب تبان انها أطول و عشان الطول مهما كان هيبة ، و حتى البنت القصيرة أحيانا بتبقى عايزة تبان أطول هنقدملك شوية أفكار و نصايح عشان تساعدك ، و زي ما الموضوع كده اسمه ”  اظهري أطول  باختيارات ذكية من الملابس و الاكسسوارات ” هنوضحلك في السطور الجاية إيه هي الملابس و الاكسسوارات اللي هتساعدك في مهمتك :

اظهري أطول  بهذه الملابس  

1- البسي بنطلون رجلة واسعة من تحت ( زي الشارلستون) و يكون طوله مناسب بحيث انه ينتهي قبل ما يلمس الارض ب 1 سم علشان يداري الكعب اللي هتلبسيه تحتيه و بالتالي تباني كأن ده طولك .

2- ما تتردديش انك تلبسي جيبات او فساتين ماكسي .. ابعدي بس عن الجيبات اللي ليها طبقات كتير او الجيبات اللي قماشاتها ناشفة او تقيلة .. البسي تحتها جزمة عالية مريحة ( زي الصنادل و الجزم الويدجز) و خلي طول الجيبة يغطيها .

3-معلومة صغيرة لو انتي قصيرة و بتحبي تلبسي جيبات او فساتين قصيرة او بناطيل سكيني .. اختاري جزمة بكعب مناسب لكن اتأكدي ان وشها صغير و بالطريقة دي رجلك هتبان اطول .

4- تجنبي البنطلونات البرمودا و الجيبات اللي طولها بينتهي عند نص الرجل بعد الركبة .. الطول ده بيبينك اقصر .

اقرأ أيضاً : الملابس المناسبة للجسم النحيف .. بالصور 

5- اعملي كحكة عالية في شعرك او ارفعي ربطة شعرك لكن بدون مبالغة .. ده هيزود طولك شوية منغير تعب الكعب .

6- البسي طقم كامل بلون واحد … مثلا اسود او بيج .. او لو انتي جريئة البسي لون جريء .. فستان بقى او بدلة او حتى Jumpsuit اللي يريحك .

7- البنطلونات اللي وسطها عالي – لو جسمك يسمح – هي صديقك المفضل .. دخلي جواها البلوزة \ القميص \ او التيشيرت و تلقائيا هتدي ايحاء بانك اطول و هتزود طول رجليكي .

8- البسي جزم ببوز رفيع .. بتدي طول للرجل .. بس ارجوكي احرصي ان طول البوز مش مبالغ فيه .

9- ما تتردديش انك تلبسي القطع اللي فيها تقليمة بالطول .. المقلم بالطول بيديكي طول بعكس المقلم بالعرض اللي بيقصرك و بيخليكي تباني اعرض .

10 – تجنبي الشنط الكبيرة و الاكسسوارات الضخمة .. دايما اختاري شنطة حجمها مناسب لحجمك و كذلك اكسسواراتك .

11- الشعر الطويل للاسف بيبنك قصيرة .. طول الشعر المناسب ليكي هو اللي بيبقى لحد الكتف .. لو شعرك طويل جربي تعمليه متموج او كيرلي عشان يبان اقصر شوية .

12- لو هنتكلم عن الاحزمة يبقى الحزام الرفيع لازم يكون اختيار اي بنت قصيرة .. الحزام الرفيع بيقسم جسمها بصورة لطيف مش زي الحزام العريض اللي بياكل من حجمها و بيقصرها اكتر .

13- اتأكدي دايما ان الهدوم مقاسك بالظبط .. البنطلون او الجيبة طولهم مناسب .. كم الجاكت و مقاسة ممتاز عليكي .. قميصك – بلوزتك – ايا كانت القطعة اللي انتي لابساها اذا ماكانتش مقاسك بالظبط هتباني اقصر .

14- و اخر نصيحة هننصحهالك انك تلبسي بلوزات و فساتين فتحتها على شكل حرف الـ V .. القصة دي بتدي طول للجزء العلوي من الجسم و كمان بتديله رفع .

و دلوقتي  اظهري أطول  بكل بساطة عن طريق اتباع النصايح اللي ذكرناها من غير أي تعب  ، بس المهم تحسي بالثقة و الراحة في أي شيئ تلبسيه عشان تظهري فعلا في أفضل طلة ممكنة .

سيعجبك أيضاً

5 تعليقات

  1. macys cocktail dresses

    I have been browsing online greater than three hours these days, yet I never found any interesting article like yours. It is pretty worth sufficient for me. Personally, if all site owners and bloggers made excellent content material as you did, the net shall be a lot more useful than ever before.

  2. Im obliged for the article.Thanks Again. Will read on

  3. Thanks for sharing, this is a fantastic blog post.Much thanks again. Fantastic.

  4. Really enjoyed this blog article.Thanks Again. Great.

اضف رد

لن يتم نشر البريد الإلكتروني . الحقول المطلوبة مشار لها بـ *

*