الإثنين , 5 ديسمبر 2016
أنواع العطور و تركيزاتها المختلفة

أنواع العطور و تركيزاتها المختلفة

العطور ليها أنواع وتصنيفات كتير وكل تصنيف بيعبر عن مدى قوة وثبات العطر وبالتالي بيأثر على الكمية اللي المفروض نستخدمها منه وعلى سعره و ده بيخلي ناس كتير تتلخبط بين أنواع العطور و تركيزاتها  .

كل العطور بتتكون من زيوت عطرية بيتم استخلاصها من بتلات الزهور.. وأحيانا بيتم تصنيع أشباه للزيوت الأاساسية دي من المنتجات البترولية أو مصادر تانية.

الزيوت العطرية دي بتتبخر بكل سهولة في درجة حرارة مش عادية زي مثلا درجة حرارة الغرفة .

تركيز ومدى ثبات وسعر أي عطر بيعتمد على نسبة الزيوت العطرية فيه و بالتالي ظهرت التصنيفات المختلفة للعطور و اللي هنتعرف عليها كلها من خلال السطور القادمة .

 الفرق بين  أنواع العطور و تركيزاتها

أولاً الــ ” Parfum” :

t1

بيطلق عليه أيضا ” Extrait ” أي الخلاصة، وهو أتقل انواع العطور و التالي سعره مرتفع .. بيتكون من حوالي 20 لـ 30% زيوت عطرية وكحول ونسبة قليلة جداً من الماء وبيثبت لحوالي من 6 لـ 8 ساعات .

بعد كده بيجي الـ ” Eau de Parfum ” :

t2

وهو الدرجة الأخف من النوع السابق وبيحتوي على 15 لـ 20 % زيوت عطرية وكحول ومية وبيثبت لحوالي من 4 لـ 5 ساعات .. وسعره أقل من النوع السابق ومتوفر في الأسواق لكن مش بكميات كبيرة ومعظمه ماركات عالمية .

يليه في التركيز الـ ” Eau de Toilette ” أو ماء التواليت :

t3

يتكون من نفس المواد اللي بتدخل في تكوين النوعين اللي فاتوا لكن طبعا بنسب أصغر بكتير .. فبيحتوي على 5 لـ 15 % زيوت عطرية بس .. وهو بيعتبر من أشهر وأكثر الأنواع انتشارا وأسعاره معقولة وفي متناول الجميع وبيثبت من ساعتين لـ 3 ساعات .

بعد كده بتيجي أنواع خفيفة جداً ومتطايرة وبتثبت لمدة ساعتين زي :

الكلونيا ” Eau de Cologne ” :

يستخدمها الرجال بعد الحلاقة وفيها من 2 لـ 4 % زيوت عطرية والباقي خليط ضعيف من الكحول والماء .

t4

-البودي سبلاش واسمه التجاري Eau Fraiche :

يختلف عن الكلونيا بأن الكحول المستخدم فيه أنقى ونسبة الزيوت العطرية فيه من 1 لـ 3% .

t5

العطور كذلك ممكن تيجي على شكل كريم أو لوشن :

وهي كريمات بيدخل في تركيبها نسبة من الـ Eau de Toillete بالاضافة لشمع عسل النحل وزيوت معدنية وزيوت ودهون .

كمان العطور بتيجي على شكل Stick perfumes :

و كلنا عندنا منها تقريبا وبتبقى في أزازة صغيرة بكورة دوارة و دي عبارة عن زيوت عطرية ذائبة في شمع ومواد دهينية أخرى بحيث يسهل وضعها على الجسم .

زيوت الاستحمام كمان بتعتبر نوع من انواع العطور :

بتتكون من 15 % زيوت عطرية مخلوطة بزيوت معدنية .

بودرة ما بعد الاستحمام : كذلك من أنواع العطور بيتم فيها خلط الزيوت العطرية مع بودرة التلك أو النشا .

و بكدة نكون عرفناكم على أنواع العطور و تركيزاتها و اصبح بإمكانكم اختيار النوع المناسب لذوقكم و اللي بيخدم الهدف المراد منه .

سيعجبك أيضاً

4 تعليقات

  1. Heya i am for the first time here. I came across this board and I find It really useful & it helped me out much.

  2. formal dresses dillards

    Generally I do not read post on blogs, however I would like to say that this write-up very forced me to try and do so! Your writing style has been amazed me. Thanks, quite nice article.

  3. dillards homecoming dress

    I’ve been browsing online more than 3 hours today, yet I never found any interesting article like yours. It is pretty worth enough for me. In my view, if all website owners and bloggers made good content as you did, the web will be a lot more useful than ever before.

اضف رد

لن يتم نشر البريد الإلكتروني . الحقول المطلوبة مشار لها بـ *

*