الجمعة , 9 ديسمبر 2016

أفكار جديدة لملابسك القديمة .. جددي طلتك الآن

 دولابنا مليان هدوم لكن دايماً الكلمة المعتادة  ” أنا معنديش هدوم ” على لسان كل بنت ! إيه رأيك نخلي دولابك دولاب متجدد عن طريق تعريفك على  أفكار جديدة لملابسك القديمة  هتخلي كل الهدوم القديمة تتلبس بطريقة جديدة .

كل قطعة في دولابك ممكن تتلبس بكذا طريقة و في كل طريقة من دول شكلها هيبقى مختلف تماما بس المهم تعرف تلبسها إزاي .. هنحاول نديكم شوية افكار تساعدك تغير نظرتك للهدوم اللي عندك.

 أفكار جديدة لملابسك القديمة 

– فكرة رقم 1 : فكر بره الصندوق (او على الاقل حاول) :
ازاي ؟ سهل .
حط قطعة في دماغك و حاول تتخيل الطرق المختلفة اللي ممكن تتلبس بيها .
مثال : خد مثلا الجاكت الاسود الكلاسيك .
معظم الناس مقتنعة ان الجاكت بما انه كلاسيك يبقى لازم يتلبس بحيث يكون الطقم فورمال وده اول تابوه لازم يتكسر .
الجاكت الاسود لو اتلبس مثلا على تيشيرت عليه رسمة حلوة و بنطلون جينز هيبقى شكلة شيك جدا و بقى عندنا طقم كاجوال ممكن يتلبس بنفس الجاكت اللي بتروح بيه الشغل !
الجاكت الاسود ممكن كمان يتلبس على فستان رقيق و صندل و اكسسوارات بسيطة و بقى عندك دلوقتي طقم ممكن تلبسيه وانت نازلة تقضي يوم مع اصحابك .
و هكذا .. جربي الجاكت الاسود على كل الهدوم اللي عندك في الدولاب و هتلاقي نفسك بتطلعي باطقم جديدة من هدومك القديمة .

outfitideas2-combine-300x155

فكرة 2 : وسعي مجموعة الاكسسوارات بتاعتك
من الحاجات البسيطة اللي ممكن تغير تماما شكل اي طقم عندك هي الاكسسوارات .
يعني مثلا لو عندك بالطو سادة ممكن تخليه كلاسيك بانك تلبسي اكسسوارت ذهبي مع حزام معدن ذهبي و جزمة بكعب و بنطلون سادة .
نفس البالطو ممكن لو لبستيه على جينز و بلوزة و جزمة فلات و كوفية ملونة بقى كاجوال .
البسية مثلا مع اكسسوارات فيها سبايكس و ستدس و بنطلون جلد و تيشيرت ابيض و هيديكي روح الروك اند رول .

closetaccessories-300x274

طبقي نفس المبدأ على مثلا تيشيرت ساده عندك و شوفي النتايج

fashioncostumejewelry-looks-300x126

فكرة 3 : ابدئي بقطعة انتي عايزة تلبسيها و ابني عليها باقي الطقم .
فلنفرض انك عايزه تلبسي الجزمة الحمرا بتاعتك النهاردة .. طلعي الجزمة .. و ابدئي ابني عليها باقي الطقم .. شوفي بنطلون مثلا لايق على الجزمة .. كده نص الطقم اتحضر .. دوري علي بلوزة او قميص لايق على البنطلون و الجزمة .. كدة انتي تقريبا جهزتي .. شوفي سكارف مناسب و شوية اكسسوارات و كده كلة تمام .

keyitem-295x300

دي 3 افكار بسيطة ممكن تساعدك تجددي من طريقة لبسك لهدومك القديمة .. طلعي القطع اللي بقالك فترة مابتلبسيهاش و اشتغلي عليها و اطلعي منها باطقم جديدة .. استغلي فرصة ان احنا في وقت التخفيضات و انزلي اشتري اكسسوارات جديدة او سكارف حلو او شنطة صايعة تساعدك في تجديد الحياة في دولابك .

 و بكدة و بكل بساطة اديناكي  أفكار جديدة لملابسك القديمة و حولنا أطقمك اللي زهقتي منها لأطقم متنوعة و جديدة ناقص بس انك تلبسيها .

سيعجبك أيضاً

3 تعليقات

  1. انا عندى تونيكات وبلوزات صيفى موديل قديم

  2. Some genuinely wonderful posts on this internet site

  3. Wow! This can be one particular of the most beneficial blogs We’ve ever arrive across on this subject.

اضف رد

لن يتم نشر البريد الإلكتروني . الحقول المطلوبة مشار لها بـ *

*